Përpos deklarimeve të Partisë Demokratike të Kosovës për mundësin e zgjedhjeve të përgjithshme brenda një kohe të shkurtër, të njëjtit mendim janë edhe parti nga opozita.

Sipas deputetit të Nismës për Kosovën, Zafir Berisha, gatishmëria për zgjedhje është e pranishme për më tepër se një vit.

“Ne ka më shuam se një vit që jemi gati për zgjedhjet dhe sa më shpejtë që mbahen , shpëton Kosova, nga këta hajdut”, ka thënë Berisha.

Berisha ka ritheksuar se në koalicion parazgjedhor janë me Aleancën për Ardhmërinë e Kosovës, dhe se nuk shohin arsye të jenë me dikë tjetër tani për tani.

“Ne jemi në koalicion parazgjedhor me AAK-në dhe s’kemi arsye të jemi me ata që e kanë falimentuar shtetin, koalicioni PDK-LDK, është koalicion i interesave të ngushta jo për Kosovën dhe është çudi se si ka zgjatur kaq shumë”, ka përfunduar Berisha.

Duhet përkujtuar që gjatë ditës së djeshme deputetë të PDK-në kanë theksuar se janë ta gatshëm për zgjedhje se nëse koalicioni qeverisës nuk realizon ato për çfarë i ka dhënë besimin qytetari i Kosovës, atëherë duhet thënë se është koha e fundit e tyre.